موقف ماينسى

SwEet's profile؛¤ّ,¸¸,ّ¤؛°`°؛¤ لهفة ال...BlogLists

Tools

Help

< Previous Next >

October 29

سلام سلام سلام تحية الاسلام الو الو الو عصير برتقال...

<==== مهستره اختنا بالله

اليوم بقولكم سالفه حصلت لي من زماااااااااااان من حوالي 7 سنين

وكل مااتذكرهالسالفه اضحك على نفسي وانحرج

المهم كني طولتها؟

في ظهيرة احد الايام دق تلفون البيت رد اخوي وناداني يقول وحده تبيك ع التلفون

انا: الو

الطرف الاخر:هلا عنود

انا: اهلين .. مين معاي

الطرف الاخر: انا فلانه بنت فلان عرفتني

انا: ياهلابك كيفك وين ايامك

الطرف الاخر: بخير الله يسلمك والله انك على بالي بالموت لقيت رقمك

انا: ليه؟

الطرف الاخر: حنا نقلنا بيت جديد وغيرنا رقمنا وضاع رقمك في النوته مع النقل

انا: مبارك عليكم البيت الجديد

الطرف الاخر: الله يسلمك... عاد انا داقه عليك ابي اعزمك انتي و الوالده عندنا في البيت

منزمان ماشفناكم وامي ولهانه على امك وياليت تجونا بكره

أنا: ان شاء الله بشوف اهلي وارد عليك

الطرف الاخر: انتظر ردك

رحت وقلت للوالده فلانه بنت فلان داقه علي عازمتنا وش ارد عليها؟؟

قالت لي كلميها وقولي لها ان شاء الله

وفعلا كلمتها وقلت لها والبنت فرحت

راح اقولكم نبذه عن علاقتنا بـ هالبنت

تربطني فيها صداقه قديمه من كنت انا ((بيبي)) للمعلومه هي اكبر مني بـ 3 سنوات واهلي تعرفوا على اهلها في امريكا

وكنت انحرج منها حيييييل وبالرغم انها تعاملني مثل اختها الصغيره وانا احترمها واقدرها مثل اختي الكبيره

جاء اليوم اللي ماينسي يوم الزياره البائس

وصلنا البيت المقصود كان بيت فخم وحلو دقينا الجرس بعد ثواني فتحوا الباب كانت البنت واهلها في استقبالنا والفرحه في محياهم

انبسطت على هالاستقبال الحلو ... بعد السلام والسؤال عن الاحوال دخلت انا والبنت وخواتها في صاله وامي وامها في الصاله الثانيه... وقتها انا حسيت بأحراج كبييييير بدرجه ان الكلام احس انه ضايع لانه من زمان ماشفتها خواتها الله يحفظهم كثير ومالي علاقه فيهم.. البنت حست اني منحرجه حاولت تعيشني جو مرح جابت ((الاونو)) ولعبنا وشغلت لي اغاني تحبها ورقصت عليها هي وخواتها وانا الى الان الاحراج مو راضي يفك عني جابت ألبوم الصور فيه صور لي ولها لما كنت ((بيبي)) وصور لنا في امريكا وتسولف معي وتضحك

وانا قلبي يسولف متى يجي ابوي واروح اثاري البنت وامها اصروا على امي نتعشى لانهم حاسبين حساب عشانا عندهم وانا ماكان عندي خبر ... بعد فتره رحت اشوف غرفتها وغرف خواتها وجلسنا بعدها بغرفتها انا وخواتها وهي الظاهر راحت تساعد امها في تحضير العشا جت البنت وقالت لي عنود يالله وانا رراح فكري ان ابوي جاء رحت ولبست عباتي وبعدها ادور امي ومالقيتها قلت لا اكيد طلعت قبلي وافتح الباب عشان اطلع ولا البنت تنادي عنود وين رايحه وعلى وجهها علامة استفهام وانا ارد بكل براءه <== وين براءه والله غباء

ابوي برا مو انتي قلتي يالله... البنت تبي تضحك بس ماسكه حاله عشان ماتحرجني اقصد يالله العشا ياليتكم شفتوا وجهي وقتها جميع الوان الطيف مرت على وجهي وتصفق وجهي ياااااااااااااربي انحرجت بقووووووووه

بعدها فصخت عباتي ورحنا غرفة الطعام جلست جنب اختها اصغر مني بسنه وهي جالسه قبالي مو قادره احط عيني بعينها ولا قدرت اتعشى والام وش فيك ياعنود ماتتعشين وانا اقول بقلبي بالك ماتدرين وش صارلي

خخخخخخخخخخخخخخخخخخخخخخخخخخخ موقف ماانحسد عليه ابدن

بالامانه وش موقفكم لو انتوا مكااني ؟؟؟؟؟؟

6:17 AM | Blog it

Comments (11)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	طاررررررررررررررق wrote: السلام عليكم كيف الحال ان شاء الله بخير سبيسك روعه مشكورة على الزيارة نورتي سبيسي بوجودك و كل عام وانتي بخيرررررررر Jan. 27
	ميمي99 wrote: هلااااا العنوود وربي ضحكتيييييني هههههههههههههههه من جد موقف لايحسد عليه ههههههههههههههههههه لهالدرررجه قلبك عالطلعه خخخخخخخخ لوانا منك كان قلبت السالفه ضحك ههههههههههههههههه يلا تعيشي وتاكلي غيرها :P علة فكره سبيسك رووووووووعه بالتوفييق ياعسـل تحياااااااتي لك ميمي Oct. 31
	وليد wrote: بصراحه السبيس خااااااثر وروعه << طيب اشربه :) وقصتك انتي وبنت هالجيران مثل قصه ضياع عبيد هههههااي امززح ومبارك عليك السبيس وعقبال ماتنافسين بموقع خاص لك Oct. 30
	ملحوووووس wrote: السبيس حلو الى الامام دوووم مشكوره اختي على زيارة سبيسي Oct. 30
	Wa7i_al5a6er wrote: قمة الإحراج شكلك مضحك ع طاولة الاكل ها ها ها تحياتي لك وحي الخاطر Oct. 30
	Ga6wa wrote: كككككككككككككككككككككككككك وربي انك تووووحفه لو انا مكانك كنت ضحك وخليتها تضحك لاتضحك علي اذا طلعت مع خواتها <---موسوسه هع بصراحة اكثر شي اكرة الترزز والمجاملات يخ من جد يطلع الوحده هبلة هع هع العنوووووووووود سبيسك يخبل يخبل يخبل والوانه تفتح النفس ننتظر جديدك ,, سي يااااااااااا Oct. 30
	Nawaf_IN_KSA wrote: looooooooooool ههههههههه من جد أنواع البرائه بس موقف مره محرج أصلا أنا من شفت الصورة هذي اللي في الموضوع اللي تحت والبنت المتنحه تخيلت شكلك زيها عموماً تعيشين وتاكلين غيرها وبصراحة نايس سبيس ويعطيك العافيه تحياتي Oct. 30
	T3o0obi wrote: هلااا اختيي نايس سبيس وحياج الله في سبيسي اخوج تعب قلبي Oct. 29
	سدورهـ wrote: ههههههههههههههههههههههههههههههههههه الله لا يلومك بصراحه موقف تحفه كان درعمتي وقلتي ابوي دق علي وبشوف جاء ولا لا <<--قالك بترقع تعيشين وتاكلين غيرها ياقمرهم <<---وبصراحه موقف محرج <<-لايكثر صي يو صقيقتي Oct. 29
	احمد wrote: الله يكفينا شر المواقف المحرجه انا احياناً اتمنى المووت ولا يصير هالموقف لي خخخخخخخ مرة انا دخلت على جلسة شياب كانوا جالسين عندنا وسلمت ولا واحد رد واكرها مرة ثانية ولا احد رد علي اخوي و ولد عمي كانو موجودين طاحوو من الضحك خخخخخخخخخ انا بنفسي قلت حيوانات ردوا علي خخخخخخخخخخ مع التحيـه العرابجة العالمية Oct. 29
	دلوعه2773 wrote: خخخخخخخخخخخخخخخخخخخخخخخخخ لوووووووووووووولاات والله وش ذا الفله طلعتي غبيه افاااا والله ياخزيااااه بس تصدقين حلو الواحد يكتشف غباءه واللي هو اصلاً عباره عن عفويه <<< يازيني ساكته بس من جد موقفك رهييييييييب ومره ضحكني جيت بحط هع هع بس مدري شلون استحيت على وجهي حبتين هع بايوو Oct. 29

Trackbacks

The trackback URL for this entry is:

http://soul-ksa.spaces.live.com/blog/cns!1F69FA3F97BC82DB!215.trak

Weblogs that reference this entry

None