| SwEet's profile؛¤ّ,¸¸,ّ¤؛°`°؛¤ لهفة ال...BlogLists |  Tools  Help |
|
November 14 ياقدعان أحلى تحيه للعروسه والعريس...
كيفكُن قايز ؟ شخبار عيدكـــــــــــم ؟ شفت كم سبيس يتكلمون عن الالعاب الناريه وموثقه بالصور للاسف مالحقنا على الالعاب الناريه لكن بقولكم وش سوينا بالعرس الحمدالله زفينا المعاريس وقضينا ورجعنا لربوع الشرقيه 
لووووووووووووليش اكيد متحمسين بدكون تعرفو التفاصيل مو هيك؟ <=== تكفون سكتوها لا تتصفق 
مشينا من الشرقيه ثاني العيد الصبح وصلنا الرياض بعد الظهر جدتي يالباقلبها تنتظرنا بشوق خصوصاً ان هذا اول عيد ماتكون عندنا اول مادخلنا عليها الفرحه بعيونها وسلمت على الكل بحراره واخيرا جات العروس تسلم وكل وحده من البنات ترمي عليها كلمه ... بعد الغداء خدرنا كل عايله ماخذه شقه لحفظ الخصوصيه 
(؟) الموهم شققنا كلها بنفس الفندق وهالفندق قريب حييييييييل من سكن جدتي لكن الى الان محتاره ليه يركبونا السياره من الشقه لجدتي مع ان المسافه قريبه ماتستدعي سياره خخخخخخ يخافون على الكرستالات لا تتكسر من المشي كني طلعت عن محور القصه <= == ماتنعطى وجه قيلنا لين المغرب وبعدها جات السياره تاخذنا ((لا تستغربون)) الكل مبسوط كبيرنا وصغيرنا والمسجل ماسكت وازعاج وسمعنا الزفه مرررره روووعه عشت جو معها .. .. .. بعد الردح والازعاج تعشينا ورجعنا للشقق ننام لانه بكره ليلة الحناء... في اليوم التالي.. صحينا بدري من الساعه 7 الصبح ماقدرنا ننام خالتي (هذي ام الصياح في الضباب القاتل) حاطه المكيف على اعلى برووووووده تجمدنا لماطلعت الصاله لقيت 2 من البنات يكسروون الخاطر نايمات على الصوفا قلت في خاطري اجل مو بس انا ذبحني البرد بعد 3 ساعات تقربيا الكل صحى وقررنا نفطر عند جدتي ونستغل الفرصه نطلق رجلينا دام الكل نايم والسياره نايمه خخخخخ افطرنا عند جدتي وبعد الظهر الكل تجمع وتغدينا وشغلنا المسجل وبدا الردح والازعاج بعد العصر انقسمنا قسمين قسم راح يودي الباقي من عفش العروس وقسم نزل السوق وانا مع القسم الثاني اللي ودانا السوق زوج خالتي (عضو في الضباب القاتل) انا وبنت خالي متنا عليه من الضحك كل مامرينا على مطعم قال هذا اكله حلو وهذا يجنن وهذا مطعمي المفضل ...الخ خالتي قالت له يابن الحلال اليوم العشاء مفاطيح عشان ليلة الحناء قال لا ماابي مفاطيح وجابله لف عذر وعذر وحنا نبي نخلص اشغالنا بدري عشان نلحق على ليلة الحناء بالخير قلنا له روح تعشاء انت بأحد هالمطاعم لين نخلص غثنا خخخخخخخخخ وفعلا رجعنا على الوقت الكل لابس ومتغندر وانا وبنت خالتي لبسنا عند جدتي مع اني موصيه وحده تجيب معاها الاغراض الا وطلعت ناقصه (( ادري بتزعلين)) فارشين الصالات كلها بالسجاد الاحمر والعروس لابسه ساري هندي مع طرحته ومرتزه بوسط صالة الاستقبال وكلها دقايق والمعازيم اجتمعوا والمسجل يهز الجدران والاغاني مزااااااااجك شرقاوي لان ام المعرس حاضره والبنات يترزرن عند هالمعازيم ورقصني ياولد خخخخخخ خالتي ((العروس)) حقت وناسه من تسمع اغنيه تنقز وحنا محرصين عليها لا ترقصين ام المعرس موجوده اثقلي .... طلعت ام المعرس فله اخر السهره امسكت العروس من يدها ونقزتها عاد العروس ماصدقت افتلت بعدها ... وبيني وبينكم خلوها تفلها تودع العزوبيه طالبين حنايا هنديه ونقشت العروس واللي بده ارتز عندها ونقشته شغله حلو وسريع اليوم الموعود:: 
اليوم احساسي غريب عاشق وانا مالي حبيبي .... الكل مشتط ومشغول من صبح الله العروس خذت البزارين عشان البروفات .. ورجعت بعد الظهر تتجهز لــ ليلة العمــــــــــر ........ الزفه.. انزف المعرس مع اهله واللي يعزون عليه وعيالنا على ((يامعريس)) ارتز المعرس وطلعوا اهله وبقى عيالنا وخوالي <= == ينتظرون العروس بدت زفة العروس وهي تتكون من 3 اجزاء الجزء الاول زفت البزارين وهي ((اتمخطري ياحلوه يازينه )) المصريه لكن المطوره((ريمكس)) يمشون البزارين لين الكوشه ويوقفون على الدرج 5 يمين و5 شمال الجزء الثاني ايقاعات هنديه ((ريمكس)) وقتها تطلع العروس وتوقف لين تخلص الايقاعات الجزء الثالث الزفه :اغنيه اجنبيه قديمه من الثمانينات Hello المغني LIONEL RICHIE
هذي كلمات المقطع الاول من الاغنيه
خالتي سوتها مفاجأه للمعرس لانه يحب هالاغنيه لوشفتوا معالم وجه المعرس اول ماسمع الاغنيه
الاغنيه ايقاعاتها بطيئه وساعدها ان الممر كان طويل ماوصلت عند الكوشه الا الاغنيه على نهايتها ههههههههه امي تقول ليتها حطت لون عيونك حقت نانسي عجرم عشان تركض زيها وتوصل بسرعه خخخخخخخ امي طفشت من الوقفه 
توته توته وخلصت الحتوته
Comments (14)
TrackbacksThe trackback URL for this entry is: http://soul-ksa.spaces.live.com/blog/cns!1F69FA3F97BC82DB!244.trak Weblogs that reference this entry
|
.
|
|
