Hi 

من زمان ماكتبت بلووق

“forgive me”

حصل معي اكشن خلال هالفتره

تابعونا بعد الفاصل

العرض مستمر

< == روتانا سينما

"خلاص"

"نبيل شعيل"

 _ _ _ _ _ _

لا قلت بشوفك

تقولين باكر

وعيا يجي باكر من العام للحين

خلاص

مافيني صبر

ماني قادر

شوقي ذبحني

آآآه

 لوكنتي تدرين

***

صابر

ولا ادري من متى وانا صابر

والعين ولهانه على شوفة العين

كنا الصبر في حالتي ماله اخر

ياليتك بــ لهفة حبيبك تحسين

***

ماجاك مني

غير امرك وحاظر

وماجاني منك

غيرباكر وبعدين

راح العمر

وانتي تقولين باكر

وعيا يجي باكر

من العام للحين

***

اسمعوا الاغنيه بصوت نبيل احلى

“My Soul”

وصل الاهـــداء

ماقول الا

باكر وبعدين

+ + + + + + + + + + + + + +

حاشتني وعكه صحيه

اول ايام العيد حسبي الله على هالكيكه اللي اكلتها

من اكلتها وانا ماني بخير

الحمدالله على كل حال

الوعكه توها مودعتني من كم يوم

+ + + + + + + + + + + + + +

بسبب ظرووفي الصحيه والاجتماعيه

نسيت عيد ميلادي

دخلت الـ 24 في 18/12/1426هـ

يالله باركولي

وابي قطيه من كل الزوار

واشتروا لي همر هديه

<= = = تمووون

وابي همر اسوووود

ومن داخل فوووشي

اوكي

+ + + + + + + + + + + + + +

من ذو ولادتي الميمونه

< = = ياشين الفلسفه

كان في كتفي جرح مايبرا من ولادتي لين كبرت

وصرت بنوته اموووره كلي حلى

<= =لا تعليق

ولون الجرح احمر ومع العطر والصابون

يوجعني وسبب لي ازمه

ورحت للدكتور ويشوف له صرفه

وقرر الدكتور عمليه

والحمدالله العمليه جدا بسيطه

تساهيل من رب العالمين

"يالله تحمدولي بالسلامه"

+ + + + + + + + + + + + + +

ســالووو

اطــــفال يفكووون الراس

كنت اتفرج ع تي في

واخواني الصغار جالسين يتصفحون مجلة زهرة الخليج

افتحوا على صفحة شريك العمربالمجله

رانيا واسم الدلع "نوني" عمرها 9 سنوات

راويه واسم الدلع "واوا" عمرها 8 سنوات

عبدالعزيز واسم الدلع "منيييسه عمره 5 سنوات

نوني: يالله منيييسه اختار رقم

منيسه: هازا ((يتكلم حجازي تأثير الروضه عليه))

نوني: مصريه عمرها 24 سنه مقيمه في الدوحه ترغب بالزواج

من مصري موظف....الخ

منييييسه تبي مصري وانت سعودي دور لك وحده ثانيه

منييييسه: خلاص مابيها انا بدوز(بتزوج) هديل صديقتي بالروزه (الروضه) واجيب بنت واسميها هديل عشان يصير عندي هديل تنتييين(ثنتين)

< = = عشق الطفوله

نوني: يالله واوا دووورك اشري على الرقم وانا اقرأ لك

واوا: امممممم اقري هذا

نوني: اردني عمره 40 سنه مقيم في البحرين يرغب بزواج من فتاة ارمله او مطلقه على خلق والدين موظفه تقدر الحياه الزوجيه

واوا هذي المواصفات مو فيك بس الخلق والدين ههههههههه

واوا: زعلت خلاص بتزوج بياع في بقاله عشان اشتري انا وعيالي ببلاش

صح نوني

نوني: غبييييييه .... انا بختار لي زوج

ابي ادور لي خليجي انا احب المسلسلات الخليجيه

< = = لا تعليق

واوا: هذا كويتي شوفي

نوني: كويتي عمره 45 سنه مطلق من دون اطفال يرغب بالزواج من فتاه

ارمله او انسه او مطلقه عمرها بين 25 او 35

ياخساره عمري 9 سنوات

منييييسه: يالله نلعب كرش (بلاي ستيشن)

اراحووووا يلعبوووون

الله يستر هذا اولها

+ + + + + + + + + + + + + +

خلا ل هالفتره قريت رواية بنات الرياض

بصراحه أعجبتني

مدري ليه اغلب الشارع السعودي والنقاد

متهجمين على هالروايه

من كم اسبوع في جريده اليوم واحد من هالنقاد

يقول انها مقتبسه قصتها من روايه امريكيه اسمها بنات اوهايو

ونفس البنات ....الخ

معليش يا رجاء الصانع

ضريبة الشهره

= = = = = = = = = = =

ناويلك على نيه بس انتا اصبر شويه

< = = تكتب وهي تسمعها

بليييييييييز ابي كومنيت

اوكي غايز؟!